2022-mi januaarip aallaqqaataani atuisunut akit
Ukiup siuliani ullormi pineqartumut naleqqiullugit atuisunut akit tamakkiisumik naleqqersuutaat januaarip aallaqqaataani 2022-mi 0,2 pct.-imik qaffassimavoq. Pingaartumik nioqquteqarfiit Inuussutissat il.il kiisalu Sunngiffik aamma piorsarsimassuseq akit ineriartornerannut qaffariartitsillutik. Ineqarnermulli nioqquteqarfimmi akit naleqqersuutaat appariarpoq, taamaasilluni akit tamakkiisumik naleqqersuutaanni allannguut appasitsillugu.
Danmarkimi Europamilu pisut akerliannik Kalaallit Nunaanni Ineqarnermut aningaasartuutinut nuioqqutissaqarfimmi akit appariarput, tassani januaarip aallaqqaataani 2021-miit januaarip aallaqqaataanut 2022-mut 2,7 pct.-imik appariarmata. Appariaat inigisamik kiassarnerminngaanneersuuvoq, tassani fjernvarme kiisalu uulia ikummatissaq atorlugu kiassarnermi akit appasinnerulersimanerannik peqquteqartumik. Inuussutissanut nioqquteqarfik piffissami pineqartumi 2 pct.-inik qaffariaateqarpoq. Qallunaat inuussutissanut akinik qaffaanerat taamaasilliuni malinneqarluni.
Matumani eqqumaffigissallugu pingaartuuvoq pineqartut tassaammata januaarip juulillu aallaqqaataanni akit qanoq inissisimanerannut piffissallu pineqartup ingerlanerani qanoq allannguuteqartigisimanerannik kisitsisitigut paasissutissiat. Saqqummersitami uani januaarip aallaqqaataani 2022-mi akit tunngavigineqarput, taassumalu kingorna akinut qaffaanerit misissuiffinni nalorninaateqartoqarnera pissutigalungu ilanngunneqanngillat.
Qaammatit aqqaneq-marlukkaarlugit qaffariaatit pct.-inngorneri titartakkami siullermi takutinneqarput.
Titartagaq 1. Atuisunut akit, qaammatit aqqaneq-marluk ingerlanerini qaffariaatit pct.-inngorlugit, januaari 2018 – januaari 2022
Najoqqutaq: https://bank.stat.gl/PRNPRISV
Atuisunut akit ukiup affakkaarlugit ineriartornerat
Atuisunut
akit ukiup affaani kingullermi, piffissami 2021-mi juulimiit
2022-mi januaarimut 0,3 pct.-imik
qaffassimapput. 2018-imi januaarimiit
2022-mi januaarimut atuisunut
akini ukiup affaanut allannguutaat pct.-inngorlugit titartagaq 2-mi takuneqarsinnaapput.
Titartagaq
2. Atuisunut akit, ukiup affakkaarlugit allannguutit pct.-inngorlugit, januaari 2018 – januaari 2022
Najoqqutaq: https://bank.stat.gl/PRNPRISV
Nioqqutissaqarfiit ataasiakkaat ineriartornerat
Nioqqutissanut sullissinernullu allanut nioqquteqarfimmi
atuisunut akit ineriartornerat nioqqutissaqarfinni
allani ineriartornerit malillugit pisarpoq.
Ineqarnermut nioqqutissaqarfik piffissami
2021-mi januaarimiit 2022-mi januaarimut
annertunerpaamik appariaateqarluni
allannguuteqarsimavoq. Inuussutissanullu
nioqquteqarfimmi qaffariaat
annertunerpaasimalluni.
Titartagaq
3. 2021-mi januarimiit 2022-mi januaarimut
nioqqutissaqarfinni atuisut
akiisa ineriartornerat
Najoqqutaq: https://bank.stat.gl/PRDPRISV
Malugiuk: Nioqqutissaqarfiit assigiinngitsut atuisunut akip naleqqersuutaanut sunniutaat takutinneqarpoq. Akit allannguutaat kiisalu uuttuutit atorneqartut tassani apeqqutaalluinnarput.